యహ్యా ప్రవక్త

యహ్యా ఇబ్న్ జకరియ ( يحيى ابن زكريا) ఒక ఇస్లామీయ ప్రవక్త. బైబిల్ లో ఇతని పేరు జాన్ ద బాప్టిస్ట్. ఇస్లామీయ ధార్మికగ్రంధము ఖురాన్ ప్రకారము అల్లాహ్ యహ్యాను పరిశుద్ధమైన ప్రవక్త, ఈసా అవతరించుటకు మార్గమును సుగమంచేసిన ప్రవక్తగా వర్ణించాడు.

ఖురాన్ ప్రకారము

ఖురాన్ ప్రకారం యహ్యా జక్రియా కుమారుడు. యహ్యా బాల్యమునుండే పరిశుధ్ధిడిగాను అల్లాహ్ పట్ల విధేయుడిగాను వుండేవాడు. యహ్యా సత్యసంధుడు, అమిత గౌరవంతుడు. అతడు అల్లాహ్ ఆదేశాలను ప్రజలవద్దకు చేరవేశాడు. జాఫర్ అబిసీనియాకు వలస వెళ్ళినపుడు రాజుకు యహ్యాకథను వర్ణించాడు..

సమాధి

యహ్యా బిన్ జక్రియా సమాధి, ఉమయ్యద్ మస్జిద్, డెమాస్కస్.

యహ్యాను ముస్లిములేగాక క్రైస్తవులుగూడా అమితంగా గౌరవిస్తారు. ఇస్లామీయ చరిత్రకారుడు అల్-బెరూని ప్రకారం యహ్యావర్థంతిరోజున పెద్దయెత్తున నివాళులర్పిస్తారు. డెమాస్కస్ లోగల యహ్యా సమాధిని నేటికినీ వేలాదిమంది దర్శిస్తారు. ఉమయ్యద్ ల ఖలీఫా అల్-వలీద్ కాలంలో యహ్యా పుర్రె దొరికినది. దీనిని డెమాస్కస్ లోని స్తంభంలో భద్రపరిచారు. ఈ స్తంభం ఖర్జూరపుఆకుల బుట్ట ఆకారంలోయున్నది.

ఇతర కథనాల ప్రకా ఇతని పుర్రె మిర్దాసిద్ సామ్రాజ్యపు 'ముఇజ్ అల్-దౌలా' చే 1043లో అలెప్పో నగరానికి తరలించబడింది. చరిత్రకారులు జైద్ బిన్ అల్-హసన్ అల్-ఖింది, ఇబ్న్ అల్-అదీమ్ లప్రకారం యహ్యా పుర్రెను అలెప్పో లోని మస్జిద్ లో పాలరాతితోతయారుచేయబడిన ఒక బేసిన్ లో భద్రపరిచారు. తరువాత మంగోలులు సిరియా పై దురాక్రమణ చేసినపుడు మంగోలులదాడులవలన ఈమస్జిద్ నేలమట్టమయినది. అపుడు ఆ పుర్రెను జామియా మస్జిద్ కు తరలించారు. ఇబ్న్ షద్దాద్ ప్రకారం ఈ పుర్రె నేటికినీ ఈమస్జిద్ మీనార్ లో భద్రంగా ఉంది. సిరియాలో ఈప్రదేశం పరమపవిత్రంగా భావింపబడుతుంది.

ఇవీ చూడండి

• ఇస్లామీయ ప్రవక్తలు

మూలాలు

• Meri, J. W. (2002). The Cult of Saints Among Muslims and Jews in Medieval Syria. Oxford University Press. ISBN 0199250782.
• Rippin, A. "Yahya b. Zakariya". In P.J. Bearman, Th. Bianquis, C.E. Bosworth, E. van Donzel, W.P. Heinrichs (ed.). Encyclopaedia of Islam Online. Brill Academic Publishers. ISSN 1573-3912.{{cite encyclopedia}}: CS1 maint: multiple names: editors list (link)

బయటి లింకులు

• Prophet Yahya (John) in the light of Islamic tradition. The same content is also available at [1]
• Prophet John (Yahya) Archived 2012-07-10 at the Wayback Machine
• Shrine of Prophet Yahya inside Jaami al-Amawi 2