రవీంద్రభారతి
రవీంద్ర భారతి (ఆంగ్లం: Ravindra Bharati) ఒక సాంసృతిక కళా భవనము. హైదరాబాదులో సైఫాబాద్ ప్రాంతంలో నిత్యమూ ఏదో ఒక సాంస్కృతిక కార్యక్రమము జరుగుతూ రద్దీగా ఉంటుంది. దీనిని తెలంగాణ రాష్ట్ర భాషా సాంస్కృతిక శాఖ నిర్వహిస్తున్నది. శాఖ సంచాలకులు మామిడి హరికృష్ణ రవీంద్రభారతిని పర్యవేక్షిస్తున్నారు.[1]
| రవీంద్ర భారతి | |
|---|---|
 | |
| సాధారణ సమాచారం | |
| రకం | ఆడిటోరియం |
| ప్రదేశం | హైదరాబాదు, తెలంగాణ, భారతదేశం |
| భౌగోళికాంశాలు | 17°24′12″N 78°28′02″E / 17.4033°N 78.4672°E |
| ప్రారంభం | 11 మే, 1961 |
| రూపకల్పన, నిర్మాణం | |
| వాస్తు శిల్పి | మహ్మద్ ఫయజుద్ధీన్ |
నిర్మాణము
మార్చురవీంద్రనాథ్ ఠాగూర్ శతాబ్ది ఉత్సవాల్లో భాగంగా హైదరాబాద్ నగరంలో 1960, మార్చి 23వ తేదీన రవీంద్రభారతికి శంకుస్థాపన చేశారు. సర్వేపల్లి రాధాకృష్ణ చేతుల మీదుగా రవీంద్రభారతి 1961, మే 11న ప్రారంభించబడింది.[2] మంచి ప్లానింగ్, పార్కింగ్ సదుపాయాలు, చుట్టూ ప్రహరీలతో కట్టబడిన ఈ భవనము చూపులకు కనువిందు చేస్తూ ఉంటుంది. మొదట్లో ప్రభుత్వమే రవీంద్రభారతి నిర్వహణను చూసుకునేది. 1963లో స్వయంప్రతిపత్తి హోదా కల్పించడంతో 1989 వరకు మేనేజ్‌మెంట్ కమిటీ ఆధ్వర్యంలో దీని నిర్వహణ కొనసాగింది. 1989 నుంచి రాష్ట్ర భాషా సాంస్కృతిక శాఖకు అప్పగించడంతో, ఆ శాఖ సంచాలకులే దీని నిర్వహణ బాధ్యతలను చూసుకుంటున్నారు.[3][4]
విశేషాలు
మార్చు- ఇది మొత్తం ఏ సి (సెంట్రల్ ఏయిర్ కండిషన్ సిస్టం) చేయబడిన ఆడిటోరియం.
- స్టేజి ప్రక్కన కల గ్రీన్ రూమ్స్ అన్ని సదుపాయాలు కలిగి ఉంటాయి. క్షణాలలో స్టేజి అలంకరణ మార్పు చేస్తుంటారు.
- అందమైన ఉద్యానవనములు, ఫౌంటెన్స్, చుట్టూ ఉన్నాయి.
- ఒకేసారిగా వెయ్యి మంది కూర్చుని చూసే వీలు కల అతి పెద్ద ఆడిటోరియం.
- సమావేశాలకోసం సమావేశ మందిరం ఉంది. దీనిలో 150మంది కూర్చోవచ్చు.
- సినిమా ప్రదర్శనల కోసం పైడి జైరాజ్ ప్రివ్యూ థియేటర్ ఏర్పాటుచేయబడింది. దీనిలో 112 సీట్లు ఉన్నాయి.
- రవీంద్రభారతి ప్రాంగణంలో ఘంటసాల కళా వేదిక ఉంది.
- దీనిని రెండు అంతస్తులుగా నిర్మించారు.
- ముందు వైపు హాలులో రవీంద్రనాధ్ ఠాగూర్ విగ్రహము ఉంది.
- దీని తలుపులు, ప్రక్క గోడలు అన్నిటికి నాణ్యమైన కలపను వాడారు
- జానపద, గ్రామీణ, ఆదివాసీ, శాస్త్రీయ కళారూపాల ప్రదర్శకు దశాబ్దాలపాటు వేదికగా నిలవడంతోపాటు సంప్రదాయ నాటక ప్రదర్శనకు, ఆధునిక నాటక ప్రయోగానికి కేంద్రంగా నిలిచిన రవీంద్రభారతికి ఇంటాక్ హైదరాబాద్ చాప్టర్ వారు 2017, ఏప్రిల్ 18న ఇంటాక్ వారసత్వ అవార్డును అందించారు.[5]
కళాభవన్
మార్చురవీంద్రభారతికి అనుసంధానిస్తూ వెనుకగా కళాభవన్ అనే భవనము నిర్మించారు. దీనిలో చిత్ర ప్రదర్శనలు, ఎగ్జిబిషన్స్, వస్త్ర ప్రదర్శనలు, ఇతర కళా ప్రదర్శనలు జరుగుతూ ఉంటాయి.
ఇవి కూడా చూడండి
మార్చుచిత్రమాలిక
మార్చు-
2018లో తెలంగాణ రాష్ట్ర అవతరణ ఉత్సవాలకు ముస్తాబైన రవీంద్రభారతి -
శ్రీ దుర్ముఖి నామ ఉగాది పండగ సందర్భంగా 2016 ఏప్రిల్ 8న హైదరాబాదులోని రవీంద్రభారతిలో తెలంగాణ ప్రభుత్వ భాషా సాంస్కృతిక శాఖ ఆధ్వర్యంలో నిర్వహించబడిన ఉగాది వేడుకలకోసం ముస్తాబు చేయబడిన రవీంద్రభారతి ప్రాంగణం -
2016 ఉగాది వేడుకలకు ముస్తాబయిన వేదిక -
2016 ఉగాది వేడుకలలో బంజార నృత్య ప్రదర్శన -
2016 ఉగాది వేడుకలకోసం ముస్తాబు చేయబడిన రవీంద్రభారతి ప్రాంగణం -
2016 ఉగాది వేడుకలకోసం ముస్తాబు చేయబడిన రవీంద్రభారతి ప్రాంగణం -
జాతిపిత మహాత్మా గాంధీ 150వ జయంతి సందర్భంగా హైదరాబాదులోని రవీంద్రభారతిలో 2018 అక్టోబరు 2న తెలంగాణ ప్రభుత్వ భాషా సాంస్కృతిక శాఖ నిర్వహించిన సత్యపథం (మహాత్మా గాంధీజీ జీవితం - సందేశంపై సాంస్కృతిక నీరాజనం) కార్యక్రమం వేదిక -
స్వతంత్ర భారత వజ్రోత్సవాల సందర్భంగా 2021, ఏప్రిల్ 3న రవీంద్రభారతిలో జరిగిన ఆజాది కా కవి సమ్మేళన కార్యక్రమంలో భాగంగా వేదిక పై వాలంటీర్లు -
తెలంగాణ ప్రభుత్వం అందించే కాళోజీ నారాయణరావు సాహితీ పురస్కారంలో 2018, సెప్టెంబరు 09న హైదరాబాదులోని రవీంద్రభారతిలో జరిగిన పురస్కార ప్రదానోత్సవ కార్యక్రమం వేదిక
.jpg)
_02.jpg)
_10.jpg)
.jpg)
_03.jpg)
_07.jpg)
.jpg)
.jpg)
మూలాలు
మార్చు- ↑ నమస్తే తెలంగాణ, బతుకమ్మ (ఆదివారం సంచిక) (2 June 2019). "మన తెలంగాణ ఘన తెలంగాణ". Archived from the original on 2 June 2019. Retrieved 15 June 2019.
- ↑ రవీంద్రభారతి కళా సారధి, సాక్షి, హైదరాబాద్ ఎడిషన్, 11.05.2018, పుట. 10
- ↑ నమస్తే తెలంగాణ, బతుకమ్మ (ఆదివారం సంచిక) (29 July 2018). "సకల కళాభారతి!". Archived from the original on 30 July 2018. Retrieved 31 July 2018.
- ↑ Telangana Today, Hyderabad (13 May 2019). "Ravindra Bharathi curating culture for 58 years". Madhulika Natcharaju. Archived from the original on 13 May 2019. Retrieved 13 May 2019.
- ↑ "ఆర్కైవ్ నకలు". Archived from the original on 2019-12-17. Retrieved 2019-12-17.
ఇతర లంకెలు
మార్చు