రేనాడు

కుందేరు పరీవాహక ప్రాంతాన్ని రేనాడు అని పిలుస్తారు. రేనాడు ప్రాంతం తన సుసంపన్నమైన నదీ వ్యవస్థ, సారవంతమైన భూమి, వ్యవసాయానికి అనువైన వాతావరణం కారణంగా చారిత్రాత్మకంగా ప్రాముఖ్యతను సంతరించుకుంది. క్రీ.శ. 6,7 శతాబ్దాలలో తెలుగుచోడ వంశం ఈ ప్రాంతాన్ని పాలించారు. ఉయ్యాలవాడ నరసింహారెడ్డి ఈ ప్రాంతానికి చెందినవాడు.

కుందూ నదీ పరీవాహక ప్రాంతం

కుందూ నది నంద్యాల జిల్లా ఓర్వకల్ మండలం ఉప్పలపాడు గ్రామంలో ఉద్భవిస్తుంది. ఇది నంద్యాల జిల్లాలోని ఓర్వకల్, గడివేముల, నంద్యాల, కోయిల్‌కుంట్ల, ఉయ్యాలవాడ, కడప జిల్లాలోని జమ్మలమడుగు, ప్రొద్దుటూరు ప్రాంతాల గుండా ప్రవహించి కడప జిల్లా, కమలాపురం దగ్గర పెన్నా నదిలో కలుస్తుంది. రేనాడు నడిబొడ్డు నొస్సం, ఉయ్యాలవాడ, కోయిల్‌కుంట్ల, ఊక, జమ్మలమడుగు మరియు ప్రొద్దుటూరు భూములను కలిగి ఉన్న ప్రాంతం. ఇది ఇప్పుడు భారతదేశంలోని ఆంధ్రప్రదేశ్ రాష్ట్రంలోని నంద్యాల, కడప జిల్లాల్లో భాగంగా ఉంది.