శిరోభూషణం వెంకట కృష్ణమాచార్యులు

శిరోభూషణం వెంకట కృష్ణమాచార్యులు (ఫిబ్రవరి 23, 1893 - ఫిబ్రవరి 2, 1972) రంగస్థల నటుడు, ఉపాధ్యాయుడు.

శిరోభూషణం వెంకట కృష్ణమాచార్యులు
జననం	ఫిబ్రవరి 23, 1893 నెల్లూరు
మరణం	ఫిబ్రవరి 2, 1972
జాతీయత	భారతీయుడు
వృత్తి	రంగస్థల నటుడు, ఉపాధ్యాయుడు
తల్లిదండ్రులు	వెంకటకృష్ణమాచార్యులు, అండాళమ్మ

జననం

వెంకట కృష్ణమాచార్యులు 1893, ఫిబ్రవరి 23న వెంకటకృష్ణమాచార్యులు, అండాళమ్మ దంపతులకు నెల్లూరు లో జన్మించాడు.

రంగస్థల ప్రస్థానం

చిన్నతనంలోనే తల్లిదండ్రులు చనిపోగా మేనమామ పోషణలో చదువుకున్న కృష్ణమాచార్యులు, సుప్రసిద్ధ నటుడు సరస్వతి రంగస్వామి అయ్యంగారు వద్ద సంగీతం లో శిక్షణ పొందాడు. నెల్లూరు రంగనాయకలుపేట యంగ్ మెన్స్ అసోసియేషన్ వారి మర్చెంట్ ఆఫ్ వెనీసు అనే ఆంగ్ల నాటకంలోని గ్రేసియో పాత్రద్వారా నాటకరంగ ప్రవేశం చేశాడు. ఇంగ్లీషు, తెలుగు నాటకాలలో అనేక పాత్రలు ధరించడేకాకుండా, నెల్లూరులో జరిగిన సత్య హరిశ్చంద్ర నాటక పోటీలలో పాల్లని హరిశ్చంద్ర పాత్రకు బంగారు పతకం లభించింది ఇంగ్లీషు, తెలుగు నాటక పాత్రలను రసవత్తరంగా నటించడంవల్ల ఈయనకు కళానిధి, వెటరన్ బారన్ యాక్టరు బిరుదులు లభించాయి.

గూడూరు నుంచి పాకాల బదిలీ చేయబడినపుడు, తన ఉద్యాగానికి రాజీనామా చేసి నెల్లూరుకు వచ్చి స్థిరపడ్డాడు. కుమార్తె మరణానికి చేరువలో ఉన్న సమయంలోకూడా సారంగధర నాటకంలో నటించాడు. నాటకాలలో సంపాదిస్తున్న మొత్తాన్ని ఇతర సంస్థలకు ఆర్థిక సహాయంగా అందజేసేవాడు.

నటించిన పాత్రలు

1. హరిశ్చంద్రుడు
2. నలుడు
3. సారంగధరుడు
4. రాజరాజు
5. శ్రీకృష్ణుడు
6. శివాజీ
7. రాజసింహ
8. చారుదత్తుడు
9. బిల్వమంగళుడు
10. సలీం
11. రుక్మాంగదుడు
12. రాముడు
13. మాయలఫకీరు
14. బాహుకుడు
15. ఆక్రూరుడు
16. రంగరాయుడు
17. విద్యానాధుడు
18. చంద్రగుప్తుడు
19. చాణక్యుడు
20. రామదాసు
21. తానీషా
22. కుంభరాణా
23. శ్రీకృష్ణదేవరాయలు
24. రాణా ప్రతాపసింహుడు
25. నారదుడు
26. రామరాజు
27. గ్రేసియానో
28. కేసియస్

మరణం

అంతిమదశలో దారిద్ర్యంతో కుంగిపోయిన వెంకట కృష్ణమాచార్యులు 1972, ఫిబ్రవరి 2న చెన్నైలో మరణించాడు.